Samvel Babayan: "Ertaga "Paxtakor" uchun bu yildagi eng muhim o'yin bo'ladi"

Unga Jaloliddin Masharipov hamrohlik qildi.

"Ertaga bizni juda ham muhim o'yin kutib turibdi. Anchadan buyon pley-offga chiqa olmayapmiz. Hozircha imkoniyatimiz borligidan xursandman. Ertaga o'zimiz uchun kerakli natijaga erishishga harakat qilamiz. Raqibning guruhda chiqa olmasligi aniq bo'lgan. Bizga esa g'alaba zarur. Bunday vaziyatda raqibga osonroq bo'ladi. Lekin yurtimiz va klubimiz shanini munosib himoya qilishga harakat qilamiz", - deydi Babayan.

"Juda og'ir va qiyin uchrashuv oldimizda turibdi. Bizni faqat g'alaba qoniqtiradi", - deydi Masharipov.

- Jamoa bir qator qiyin o'yinlardan keyin jamoa o'ziga kela oldimi?
- Tiklanish borasida hech qanday muammo yo'q. Lekin jarohat olgan futbolchilar tufayli muammo bor.

- Egor Krimecning maydonga tushmasligi jamoaga qanchalik tasir qiladi?
- Krimec jamoamizning muhim o'yinchilaridan biri. Diskvalifikaciyasi tufayli maydonga tusha olmaydi. Biroq vaziyat shunday ekan boshqa futbolchilar bilan o'ynaymiz.

- Ertangi o'yindan oldin muxlislarga qanday tilaklaringiz bor?
- Ertaga 2015 yilda "Paxtakor" uchun eng muhim o'yinlardan biri bo'lib o'tadi. SHu sabab barcha muxlislardan ertaga stadionga kelib shonli jamoamizni qo'llab turishlarini so'rab qolardim. Biz ertaga faqat klub emas O'zbekiston uchun o'ynaymiz.

Jaloliddin Masharipov - "Al SHabab"ga qarshi muhim o'yin bor. Kelinglar bizni qo'llab quvvatlanglar, biz g'alaba uchun oxirigacha kurashamiz.


Narzulla Saydullaev