Samvel Babayan: "CHiroyli futbol uchun yigitlarga rahmat"

"Bugun biz uchun juda muhim bahs bo'ldi. Birinchi tur o'yinida o'z maydonimizda ochko yo'qotganimiz sababli, bugun qanday qilib bo'lmasin g'alaba qozonishimiz kerak edi. Yigitlarning ko'rsatgan chiroyli futboli va g'alabadan ko'nglim to'ldi. O'yin qiziqarli bo'ldi", - deya o'yin haqidagi fikrlari bilan o'rtoqlashdi Samvel Babayan.


- Mochinov Aliboboni "Paxtakor"ga qarshi o'ynamaganini o'zaro kelishuvga asosan bo'lgani bilan bog'ladi. Bu qanchalik haqiqat?
- Alibobo Rahmatullaev biz bilan ikki yillik shartnoma imzolagan edi. Keyinchalik esa Alibobo bu erda o'yini qovushmayotganini va boshqa jamoaga qo'yib yuborishimizni iltimos qildi. Bizni Alibobo Rahmatullaev bilan ikki yillik shartnomamiz bor edi va futbolchini boshqa jamoaga o'zimiz istagan narhda sotish huquqiga ega edik. Bu bizning huquqimiz hisoblanadi. Biroq uni "Buxoro"da bepul qo'yib yuborayotganimizda og'zaki kelishuvga ko'ra, Alibobo Rahmatullaev bizga qarshi o'ynamasligini so'ragan edik. Sababi, u mavsum oldi tayyorgarlikni to'liq biz bilan o'tkazdi va bizning o'yin uslubimizni va sir-asrorlarimizni bilardi. SHu bois uni bizga qarshi o'ynamasligi kelishuvi bilan uni "Buxoro"ga bepul berib yubordik. Quvonarlisi shuki, o'zbek futbolida shunaqangi bir so'zli, mard insonlar borligi quvonarli. Bu kelishuv norasmiy, og'zaki bo'lgandi va "Buxoro" bu tomonlama erkaklik qilganini takidlab o'tgan bo'lardim.