Samvel Babayan: "Bunday g'alabalar jamoani yanada kuchaytiradi"

"Avvalo bugun maydonga faqat g'alaba uchun tushgandik, to'g'ri birinchi bo'limda o'z o'yinimizni namoyish eta olmadik. Gol urganimizdan so'ng 10 kishi bo'lib qoldik. Bu g'alaba yanada totli bo'ldi. SHunday g'alabalar jamoani yanada kuchaytiradi. Kamchilik bo'lib qolsak ham hujumga o'tdik, sababi maqsadimiz faqat g'alaba edi. "Naft" juda kuchli klub ekanini barcha ko'rdi. Yigitlarimizga rahmat aytaman", - deydi Samvel Babayan.

O'yinning eng yaxshi futbolchisi bo'lgan Kaxi Maxaradze ham matbuot anjumanida ishtirok etdi. - Bugun juda muhim g'alabaga erishdik. SHeriklarim 120 foiz kuch bilan harakat qilishdi. Barchani tabriklayman, - deydi Kaxi.

- Jamoaning o'yinini kuchaytirishi mumkin bo'lgan futbolchilar bormi?
- Tarkibimizda ko'plab yoshlar bor. Boltaboev, Kozak yana boshqa o'yinchilar bor. Bugun mavsumdagi ilk rasmiy o'yinimizni o'tkazdik. SHu bois bizdan juda zo'r o'yin kutib bo'lmasdi. Eng asosiysi uch ochkoni qo'lga kiritdik.

- "Paxtakor" futbolchilar nimagadir hujum qilish vaqtida asosan to'pni orqaga uzatdi. Tezkor qarshi hujumga o'tish borasida ishlar olib borilayaptimi?
- Aytib o'tganimdek mavsumdagi ilk uchrashuvni o'tkazdik. SHu bois o'z o'yinimizni ko'rsata olmadik. 

- Masharipov bugungi o'yin bilan keyingi o'yinlarda asosiy tarkibda tushishga loyiqligini ko'rsata oldimi?
- Bo'lishi mumkin. U o'yinga yaxshi qo'shilib keta oldi. To'g'ri unda ham bazi kamchiliklar bo'ldi.

- "Paxtakor" Toshkentda Eron klublariga umuman yutqazmagan. SHuni o'yladingizmi?
- Bilasizmi har qanday seriya bir kun kelib yakuniga etadi. O'yinoldi matbuot anjumanida "Naft" 20dan ortiq o'yindan buyon mag'lub bo'lmagan deyishgandi. O'shanda biz seriyaga barham beramiz demagandim. Ammo aynan bizning jamoa bunga erishganidan xursandman.


Narzulla Saydullaev