Samvel Babayan: "Biz har o'yinda g'alaba uchun maydonga tushamiz"

Samvel Babayan: “Bu biz uchun muhim o'yin edi, chunki mazkur vaziyatda turnir jadvalidagi o'rnimiz uchun aloqasi bo'lmagan o'yinda g'alaba qozondik. Yigitlar o'zlarini juda yaxshi tomondan ko'rsata oldilar. Birinchi bo'limda yosh futbolchilarga imkoniyat berdik. Masharipovni misol qilib ko'rsatsam bo'ladi.

Albatta birinchi bo'limdagi vaziyat va o'yin meni qoniqtirmadi, lekin ikkinchi bo'limda biz nimaga “Paxtakor” O'zbekiston chempioni degan sharafli nomga loiq ekanligini ko'rsata oldik. Maydon markazida va hujumda ancha yaxshi to'p surdik. Bizga kerak bo'lgan natijani qo'lga kiritganimizdan mamnunmiz. Ikki-uch vaziyatda o'yindan tashqari holat qayd etilgan vaziyatni yaxshi tomoni shuki, bizni hujum chizig'imizdagi yigitlar harakat qilmoqdalar. Bizni tarkibda o'ynayotgan har bir futbolchini “Paxtakor”ning g'olibona ananalariga asoslangan ruhiyati mavjud.

“Bunyodkor”ga qarshi bo'lib o'tadigan navbatdagi uchrashuvda ham faqatgina g'alaba uchun maydonga tushamiz. Mavsum so'ngida bunday kuchli raqib bilan uynashni yaxshi tomonlari bor. Maqsadimiz g'alaba qozonib mavsumni yaxshi kayfiyatda yakunlash. “Paxtakor” futbol klubi Kamollidin Kenjaevni qo'llab-quvvatlash akciyasida ishtirok etadi. Men mazkur futbolchini ko'p vaqtdan beri bilaman. Juda istedodli futbolchi edi. Afsus o'sha avtafalokat uni futboldan chetlatdi. Futbolchilar, murabbiylar va klublar bunday vaziyatda birlashib harakat qilishlari lozim. Butun jamoamiz Kamoliddin bilan birga”.