Samarqand viloyati hokimi tashabbusi bilan Dinamoga yangi qarorgoh quriladi
13 okt 2018 13:56
Yangiliklar
Samarqand viloyati hokimi tashabbusi bilan Dinamoga yangi qarorgoh quriladi
Samarqand viloyati hokimi Erkinjon Turdimov chorshanba kuni “Dinamo” stadionida klub rahbariyati, murabbiy va futbolchilar hamda muxlislar ishtirokida yig'ilish o'tkazganligi haqida xabar bergan edik.
Ushbu yig'ilishda viloyat rahbari klubning bugungi holati bilan tanishish va jamoa moddiy texnik bazasi va shart-sharoitlarini yaxshilash borasida ko'rsatmalar bergandi.
SHunga muvofiq, belgilangan rejalarning amaliy davomi sifatida kuni kecha Erkinjon Turdimov “Dinamo” futbol klubi qarorgohida bo'lib ahvol bilan yaqindan tanishdi va jamoani qiynayotgan muammolarni shaxsan ko'zdan kechirdi. Tashrif davomida viloyat hokimi “Dinamo” futbol klubiga yangi qarorgoh qurish borasida mutasaddilardan takliflar kiritishni so'radi. SHahardagi mavjud sport bazalari holati tuzilgan ishchi guruh tomonidan ko'rib chiqilgach, yangi qarorgohning qaerdan qurilishi borasida aniq to'xtamga kelinadi.
Fikrlar