Saidkomil Akbarov: “Og'ir vaznli futbolchi deyishga ham til bormaydigan sheriklar bilan bir jamoada o'ynagim kelmadi”
04 fev 2015 10:32
Yangiliklar

Saidkomil Akbarov: “Og'ir vaznli futbolchi deyishga ham til bormaydigan sheriklar bilan bir jamoada o'ynagim kelmadi”

Ilgari xabar berganimizdek, uzoq yillardan buyon “Metallurg” klubida faoliyat olib borayotgan tajribali himoyachi Saidkomil Akbarov OFK kubogida qatnashishi kutilayotgan Tojikistonning “Istiqlol” jamoasida ko'rikda bo'lib qaytdi.

- “Istiqlol” jamoasi tarkibida ikkita o'rtoqlik uchrashuvida maydonga tushdim. Har ikkalasida g'alaba qozondik. Yirik hisobda zafar quchgan o'yinimizda men gollardan ikkitasiga asistentlik ham qildim. Ammo bu klubdagi sharoit, futbolchilarga bo'lgan munosabat meni qoniqtirmadi.

Rosti katta yoshdagi, og'ir vaznli futbolchi deyishga ham til bormaydigan sheriklar bilan bir jamoada o'ynagim kelmadi, - deydi Saidkomil biz bilan suhbatdi.

Ayni paytda Saidkomil Akbarov qadrdon jamoasi “Metallurg” mashg'ulotlarida ishtirok etayapti va yangi mavsumga hozirlik ko'rmoqda. Eslatib o'tamiz, Saidkomil Akbarov 2008 yildan buyon “Metallurg” sharafini himoya qilib kelayapti.

Havola :

Manba : metallurg-pfc.uz

Yangiliklarni Telegramda o'qing!

Reyting: