"SA" "Klassiko" oldidan. SHahboz Beg'amov: "Real" yirik hisobda yutadi"

Demak, ulardan ikkita savolga javob berishni so'ragan edik. Savollar quyidagicha.

1. "Klassiko"dan nimalarni kutyapsiz?
2. Bugungi o'yin qanday natija bilan nihoyasiga etadi deb o'ylaysiz va nima uchun?

1. Bu o'yindan juda qo'pol va keskin futbol kutyapman. Asosiysi, jamoalar futbol o'ynashsin. Muxlislarga yoqadigan futbol ko'rishni istardim. Lekin bu o'yin xohlaymizmi yo'qmi, Ronaldo - Messi va Beyl - Neymar duelini ko'ramiz. Menimcha, madridlik yulduzlar ayni paytda kataloniyalikdan kuchliroq o'yin ko'rsatishmoqda. Bugun chetlatishlar va ko'proq gollar bo'lishi mumkin.

2. "Real" bugun yirik hisobda yutadi deb o'ylayman. Sababi, Karlo Anchelotti shakllantirayotgan jamoa ayni paytda Xerardo Martino boshqaruvidagi "Barselona"dan bir bosh ustunroq. SHuningdek, o'yin Madridda bo'lib o'tadi. Bu tabiiyki Anchelotti shogirdlariga ustunlik beradi. "Real"ning hujum chizig'i "Barsa"ning himoyachilariga etarlicha ish topib beradi.