Rustam Mirsodiqov: "Sotilgan o'yinda bitta to'p farqi bo'ladi"

- CHet el OAVda o'tgan turdagi "Buxoro"ga qarshi o'yin kelishilgan deb yozildi. Bunga mutaxassis sifatida qanday munosabat bildirasiz?
- Bugungi o'yinda "Navbahor" hisob 4:1 bo'lganidan so'ng o'yinni tashlab yubordi va biz gol urdik to'g'rimi? O'tgan turda biz oldinda edik va yigitlar o'yinni tashlab qo'yishgandi. Bor gap shu. Sotilgan o'yin masalan, bitta to'p farqi bilan sotiladi, masalan deyapman. O'sha o'yinda biz 3:1 hisobida oldinda edik. Agar hakam 10 daqiqa qo'shib berganida hisob 4:3 emas 4:4 bo'larmidi? Buni kim biladi? Sotilgan yoki kelishilgan o'yinlar haqidagi mish-mishlarga ishonmanglar.

- SHogirdlaringiz bir qator imkoniyatlardan foydalana olishmadi. Bunga nima sabab bo'ldi?
- Bu futbol. Unda barcha vaziyatlarni golga aylantirib bo'lmaydi. SHahzodbek Nurmatov bir o'zi bugun o'yin taqdirini hal qilib qo'yishi mumkin edi. Nurmatov terma jamoa azosi, men unga klubda ura olmagan gollarni terma safida urishini tilayman.