Rustam Mirsodiqov: "Maqsad bo'lishi uchun jamoada mablag' bo'lishi kerak"

"Bugungi o'yin kim gol ursa o'sha jamoa g'alaba qozonadigan o'yin edi. "So'g'diyona"ga ochko kerak edi. SHu bois ruhiy qiyin bo'ldi. Bizda vaziyatlar bo'ldi. Ikkinchi bo'limdagi golimizni o'yindan tashqari holatda deb topishdi. Hakamlarning qarorini muhokama qilmayman. Javlon Mirabdullaevning jarohati qanchalik jiddiyligini hozir bilmayman. Bugungi futbolda barcha murabbiy maydonga g'alaba uchun tushadi. SHu bois o'yin qiyin bo'lishini bilardim, "So'g'diyona" hisobida ochko yo'q edi", - deydi Mirsodiqov. 

- "Metallurg" doim o'rtamiyonalar safida yuradi. Na chempion bo'ladi, na chempionatdan tushib ketadi. Jamoaning maqsadi yo'qmi?
- Maqsad bo'lishi uchun jamoada mablag' bo'lishi kerak. Agar mablag' bo'lsa oldimizga katta maqsadlar va vazifalar qo'yiladi.