Rustam Mirsodiqov: "Buxoro" futbolchilari ruhan sinib qolishgan"

“Bugun juda issiq havoda har ikkala jamoa futbolchilari juda qiynalishdi. Bugun biz g'alaba qozonganimizdan xursandman. Hisob ancha yirik bo'lishiga qaramay, bu g'alabani juda qiyinchilik bilan qo'lga kiritdik.

Raqib jamoa ancha mazmunli o'ynadi, lekin futbolda sen urmasang senga urishadi degan naql bejizga aytilmaydi va barcha bu gaplarning isbotini ko'rdi. Bizda 4-5 ta imkoniyat bo'ldi va shulani 3 tasini golga aylantirdik. “Buxoro”da bizdan ham ko'proq imkoniyat bo'ldi, lekin ular gol urishni uddasidan chiqishmadi.

Raqibimizning bizdan oldingi bir nechta uchrashuvlarini ko'rib, tahlil qilgandik. Ancha jiddiy raqib ekanligi “Lokomotiv”ga qarshi uchrashuvlarini ko'riboq bilardik. Menimcha buxoroliklar ruhan sinib qolishgan. O'yin borasida doim barcha raqiblariga nisbatdan ustunlik qilishadi, lekin oxir-oqibat yutqazib qo'yishyapti. Bugun ham shuning guvohiga aylandik” – deya o'z so'zini yakunladi Mirsodiqov.