Rustam Akramov: “Andijon”ning o'yini birinchi ligaga mos”

Rustam Akramovich o'z intervyusida jamoa namoyish etayotgan futbol oliy ligaga mos emasligini takidlab o'tdi:
 
“O'z vaqtida Islom Ahmedov “O'z-Dong Ju”ni oliy ligaga olib chiqqandi. O'shanda Ahmedovga 4-5 nafar yaxshi futbolchilarni taklif qilmasang ishing chatoq bo'ladi degandim. Lekin oxirida nima bo'ldi? Azamat Abduraimov - yaxshi mutaxassis. Lekin u ham jamoani oliy ligaga olib chiqqach, birinchi ligaga tushib ketmasak bo'ldi qabilida ish yuritdi. Bu esa eng katta xato bo'ldi”.

“Stadionga ko'plab muxlislar kelayotgan bo'lsa-da, “Andijon” hamon birinchi liga darajasida o'ynayapti. Jamoa oliy ligada munosib o'rinlardan birini egallamoqchi bo'lsa, bir nechta mahoratli futbolchilarga ega bo'lishi lozim. Ammo bu katta mablag'ni talab qiladi. “Andijon” bu yil oliy ligadan tushib ketadimi-yo'qmi, buni bilmayman, chunki oldinda hali sakkizta tur bor”.