Rustam Abdullaev: “Tartibli o'yin evaziga g'olib bo'ldik”

"Barachani kelayotgan Navro'z bayrami bilan tabriklayman. Bugungi g'alaba oson qo'lga kiritilgani yo'q. Omadimiz keldi, gol urdik va himoyada harakat qilib natijani saqlab qoldik. Yigitlarga Qo'qondan kelgan muxlislar ham yordam berishdi. Barcha muxlislarimizga rahmat aytaman", - deydi Rustam Abdullaev.

- Jamoaning g'alabasiga aynan nima taminladi?
- Tartib! O'yin tartibi, aytishadiku tartib mahoratni engadi deb.

- O'yin so'nggida shogirdlaringiz ko'p bor maydonga yotib olishdi. Bunga munosabatingiz.
- Futbolchilarimning oyog'i tortishganidan keyin yugura olmaydi. SHu bois uni almashtirdim.

- O'z vaqtida "Dinamo"da ishlab ketgansiz. O'sha paytda etibor qanday edi?
- Bitta gap aytaman. Samarqandda ishlaganimda viloyat hokimi tunggi soat 2da telefon qilib ertaga tarkib qanday bo'ladi deb so'rardilar (kuladi). Etibor qanday bo'lganini tushunib olavering.

- "Dinamo" safida kimning o'yini yoqdi?
- Menga 33-raqamdagi (Nikolay CHipev) futbolchining harakatlari maqul keldi. "Dinamo" ham yomon o'ynamadi. Mavsum endi boshlanmoqda, ularga keyingi o'yinlarda omad tilayman.

- "Dinamo"ning goli o'yindan tashqari holat tufayli bekor qilindi...
- To'g'risi men o'tirgan joydan ofsayd bormidi yo'qmidi bilmayman. Bitta yon hakam jamoam foydasiga xato qildi? Nima deyishga ham hayronman (kuladi).

- Uchrashuvdan oldin "Qo'qon" futbolchilari bilan gaplashdik. Ularga barcha oyliklar vaqtida to'lanayotgan ekan. "Dinamo"da esa buning aksi. Bu ham g'alabaga yordam berdimi?
- Albatta, futbolchilar ham inson. Ularning ham oilasi bor. Oylikning o'z vaqtida to'lanishi juda katta yordam beradi.


Damir Kabilov yozib oldi