Rustam Abdullaev: “CHempionat qiziyapti”

- Bugun o'zinglar ham ko'rdinglar birinchi bo'limda 2:0 hisobida oldinda borib, ustunlikni o'zimizga olgandik. Lekin ikkinchi taym biroz qiyin kechdi. Bu tabiiy edi. CHunki raqib jamoa ham mag'lubiyatdan qutilib qolish uchun kurashardi. O'ylaymanki bu ruhiyat bilan bog'liq. Har qanday jamoa ikkita yoki undan ortiq gol urib hisobda oldinda borayotganida shunday bo'ladi. CHunki g'alabani saqlab qolish uchun harakat qilinadi. Yigitlarimizda ham ikkinchi bo'limda shunday bo'ldi nazarimda. 

- Yanada ko'proq gol urishimiz uchun vaziyatlarga ega bo'ldik. Birinchi bo'limning o'zidayoq hisobni 3:0 qilib olishimiz ham hech gap emasdi. SHunday bo'lganida bosim biroz pasaygan bo'lardi. Lekin bugun muhimi uch ochkoni qo'lga kiritdik. Oldin ham aytganman, futbolchilarimga ishonaman. Ular bugun irodasini ko'rsatdi. Buning uchun rahmat. 

- Muxlislar ham bugun bizni ajoyib tarzda qo'llab-quvvatladi. Ularga alohida minnatdorchilik bildirgan bo'lardim. Qolaversa jonkuyar rahbarlarimiz ham bugun stadionga kelib, bizga dalda bo'ldi. Butun jamoa nomidan ularga rahmat aytaman. 

- Hujumchimiz Vladimir Argunning bugun tug'ilgan kuni edi. Yigitlar o'yindan oldin unga munosib sovg'a qilishga qattiq bel bog'lagandi. 

- “SHo'rtan” ham yaxshi jamoa. Tarkibida mahoratli o'yinchilar talaygina. O'yindan oldin qandaydir hadik bor edi. Umuman olganda chempionatdagi intriga oortib bormoqda. Kutilmagan natijalar bo'lyapti. Fikrimcha chempionat qizisa, bundan futbol yutadi. Muxlislar... Futbolchilar – deydi Rustam Abdullaev.