Rustam Abdullaev: "Bugun jamoamga etakchi etishmadi"

"Durang ham yaxshi natija, lekin uyda doim g'alaba qozonishni istaymiz. Bugun yangi mavsumning ochilish o'yini bo'ldi. Yutishni istagandik, omadimiz kelmadi. Bu - futbol. Stadionga kelgan shuncha muxlisni gol bilan xursand qila olmadik", - deydi Rustam Abdullaev. 

"Bugun jamoamga etakchi etishmadi. SHu bois g'alaba qozona olmadik. Jamoani olg'a boshlaydigan futbolchi etishmadi. To'xtaboev birinchi bo'limda jarohat olib maydonni tark etdi. Bu o'yinimizga tasir qildi".  

"G'alaba qozonib xalqimizni xursand qilishni xohladim. Bahs durang bilan tugadimi demak natija haqqoniy. Jamoamizning aksariyat futbolchilari yangi kelishgan. Hali shakllanib bo'lmaganmiz. Bu bosqichdan o'tib olish kerak".

"Argun bugun ilk bor maydonga tushdi. Unda tibbiy ko'rikdan o'tish borasida muammo paydo bo'lgandi. Ko'rdinglar unda o'ynash istagi bor, harakati bor. Keyingi o'yinlarda jamoada qo'shilib ketishiga ishonaman".

"Rahbariyat agar menga aniq vazifa qo'ysa o'z oldimga o'sha pog'onadan 4ta o'rin teparog'ini qo'yaman". 

"Bugun raqib safida darvozabon yaxshi o'ynadi. Uni eng yaxshi deb topgan bo'lardim. U bir qator vaziyatlarda jamoasini qutqardi. Abdumalik Abdullaevning ham o'tgan turda gol urgani va penalti ishlaganini bilardik".

Islombek Rustambekov