Rustam Abdullaev: "Bizga ko'zi yonadigan futbolchilar kerak"

Murabbiy intervyu davomida jamoasining ushbu mavsumdagi ishtiroki va keyingi rejalar borasida to'xtaldi.

Bilasiz, qo'qonliklar keyingi yildan oliy ligada ishtirok etishadi. Jurnalist tomonidan berilgan "Nomdor futbolchilarni tarkibda ko'ramizmi?" savoliga Rustam Abdullaev quyidagicha javob qaytardi:

"Safimizga avvalo ko'zi yonib turgan, kurashga chanqoq o'yinchilarni qo'shib olmoqchimiz. Kelasi yil jamoamiz murabbiylar shtabi qanday ko'rinishda bo'lishi haqida hozircha bir narsa deya olmayman. Hammasini vaqt ko'rsatadi. Biroz shoshilmay turaylik".