Rudi Garsiya "Roma"dan ketishi mumkin

"Roma"ning "Barselona"dan qabul qilib olgan qaqshatkich zarbasidan so'ng klub prezidenti Jeyms Palotta bosh murabbiy masalasini ko'rib chiqishni boshladi.

"Roma" Evropa chempionlar ligasi doirasidagi 5-tur o'yinida "Barselona"ga 1:6 hisobida mag'lub bo'lgandi. Klub rahbariyati Rudi Garsiyaga BATEga qarshi o'yinda shart qo'ymoqchi. Agarda jamoa BATEni mag'lubiyatga uchratishni uddalay olmasa Garsiya istefoga chiqarilishi mumkin.

Bu o'yin "Roma" uchun juda muhim hisoblanadi. "Roma" BATE bilan o'yinda g'alaba qozona olmasa, katta ehtimol bilan guruhda qolib ketishi mumkin.

"Roma"ga Rudi Garsiyani almashtirishi mumkin bo'lgan mutaxassislar sifatida Valter Maccari va Luchano Spaletti nomzodi tilga olinmoqda.