Ro'ziqul Berdievni tabriklaymiz!
22 okt 2017 09:17
Yangiliklar
![](https://championat.asia/upload/storage/284521_original.jpg)
![](/upload/storage/284521_220.jpg)
Ro'ziqul Berdievni tabriklaymiz!
Bu maqomga u faqat o'zining mehnati va fidoiyligi bilan sazovor bo'lgan.
Bugun mana shunday inson, “Nasaf” jamoasining bosh murabbiyi - Ro'ziqul Berdiev 46 yoshga to'ldi.
U 1997 yildan beri “Nasaf” bilan birga. 2008 yilda professional futbolchilik faoliyatini yakunlab murabbiylar shtabiga qo'shildi. Ro'ziqul Berdiev, “Nasaf” safida 314 marta maydonga tushgan futbolchi va juda ko'p mavsumda jamoaga sardorlik ham qilgan. 2012 yildan jamoamizga bosh murabbiylik qilmoqda. Bu murabbiy faqatgina milliy chempionat uchrashuvlarida jamoamizni 146 marta maydonga boshlab tushdi va shularning 94tasida g'alabaga erishildi.
Endi, O'zbekistonda xizmat ko'rsatgan sport ustozi - Berdievga yana bir katta masuliyat yuklanayapti. Vatan shanini xalqaro maydonlarda himoya qilmoq. Umid qilamizki, bu ishonch va katta sinovdan ham Berdiev muvaffaqiyatli o'tadi.
“Nasaf” PFK rahbariyati, murabbiylari, futbolchilari hamda vohalik futbol ishqibozlari nomidan u kishini bugungi tavallud ayyomi bilan samimiy tabriklaymiz. U kishiga sihat-salomatlik, uzoq umr va baxt saodat tilaymiz. Oila azolari baxtiga va barcha futbol muxlislari baxtiga doimo bor bo'ling! Siz bizning ardoqli kishilarimizdan birisiz! Zafarli g'alabalarda xamisha birga bo'laylik! Tilagimiz, har doim shunday elimiz ardog'ida bo'ling!
Tug'ilgan kuningiz muborak bo'lsin!
“Nasaf” PFK jamoasi
O’xshash yangiliklar
![AMP Logo](https://championat.asia/image/logo-amp.png)
Fikrlar