Ro'ziqul Berdiev: "Tanzaniyalik hujumchi "Nasaf"ga kelmaydigan bo'ldi. Uning o'rniga boshqa afrikalik futbolchini kuzatyapmiz"
23 fev 2022 19:04
Yangiliklar

Ro'ziqul Berdiev: "Tanzaniyalik hujumchi "Nasaf"ga kelmaydigan bo'ldi. Uning o'rniga boshqa afrikalik futbolchini kuzatyapmiz"

Qarshining "Nasaf" klubi bosh murabbiyi Ro'ziqul Berdiev bugun jamoa muxlislari bilan uchrashdi va bir qator savollarga javob berdi.

"Biz o'nlab futbolchilarga sharoitimizdan kelib chiqib yaxshi takliflarni jo'natdik. Oxirgisi Marokash chempionatida faoliyat olib borayotgan tanzaniyalik futbolchi bo'ldi. Biroq u o'z jamoasi bilan 4 oylik maoshini ololmagani sababli shartnomasi borasida to'liq kelisholmay qolgan. Muammoli holat bo'lgani uchun biz bu jarayonga aralashmadik. SHu bois u "Nasaf"ga kelmaydigan bo'ldi.

Uning o'rniga jamoaga olib kelmoqchi bo'layotgan futbolchi afrikalik. U Belarus chempionatida o'ynagan. Yarim himoya va hujumda yaxshi harakat qiladi. 28 yoshli legioner Belarus chempionatida 10ta gol urgan", - dedi Ro'ziqul Berdiev.