Ro'ziqul Berdiev: “Safarda durang yomon natija emas, biroq biz g'alabaga erishmoqchimiz”

Ro'ziqul BERDIEV:-Ertangi o'yinda har ikkala jamoa faqat g'alaba uchun maydonga chiqadi. Faqat kim o'yinni yaxshiroq tashkil etsa, omad kimga ko'proq kulib boqsa o'sha jamoa uch ochko egasiga aylanadi. O'ylashimcha, guruhimizda barcha jamoada imkoniyat bir xil. Safarda durang? Ertangi o'yinda durang yomon natija hisoblanmaydi. Lekin biz bu o'yinga faqat g'alaba uchun maydonga chiqamiz. O'tgan turda o'z xatolarimiz evaziga Jiddada mag'lub bo'ldik. Bu safar bunday xatolarni takrorlamaslikka urinamiz. Raqibimiz guruhda so'nggi pog'onada borayotgani bu uning kuchsiz deyishga asos bo'lolmadi. Sababi dubayliklar tarkibida yaxshi, shakllangan futbolchilar bor. Tarkibimizda jarohatlangan futbolchilar yo'q. Jamoamizning o'z o'yin uslubi bor. Jiddiy raqibga qarshi ochiq futbol namoyish etmasligimiz mumkin. Lekin tartibli o'yin ko'rsatib, o'zimiz uchun kerakli natijaga erishmoqchimiz.  “Al-Ahli”ning OCHL va o'z chempionatidagi o'yinlarini ko'rdik. Kuchli futbolchi va kuchli murabbiyga ega jamoa. Bundan kerakli xulosalar chiqardi. Ertaga bizga oson bo'lmaydi.


Ilhom SHOMURODOV:-  O'yinga jidiy hozirlik ko'rdik. Yigitlar ertanga bahsga 100 foiz tayyor. Nasib etsa, ijobiy natijaga erishib, yurtimizga yorug' yuz bilan qaytish niyatidamiz.

-Jeparov O'zbekistonning Osiyodagi eng kuchli futbolchsi. Sizga u singari boshqa davlatlardan taklif tushsa to'p tepasizmi?
- Haqiqatan ham, Jeparovni butun Osiyo taniydi. U bejizga ikki karra qitamizning eng yaxshi futbolchisi deb topilmagan. Hozircha “Nasaf” bilan shartnomam bor. Albatta, har bir futbolchi Evropa va Osiyodagi kuchli jamoalarda to'p tepish niyati bo'ladi. Balkim kelgusida top jamoalarda to'p tepish nasib etar...