Ro'ziqul Berdiev: "Raqib himoyasining bo'shligini bilardik"
02 mar 2016 20:33
Yangiliklar
![](https://championat.asia/upload/storage/200333_original.jpg)
![](/upload/storage/200333_220.jpg)
Ro'ziqul Berdiev: "Raqib himoyasining bo'shligini bilardik"
"Bugingi g'alaba bilan muxlislarni tabriklayman. "Al Ahli"ni o'rganganlarimiz ish berdi. Ayniqsa hisob qisqarganidan keyingi vaziyatlar haqida ham alohida gapirib o'tish mumkin", - deydi Ro'ziqul Berdiev.
- Balki, biz ham ayyorliklarni o'rganarmiz, hadeb arablarni o'yinini tomosha qilmasdan?
- Atayin o'rgatmaymiz. Lekin ayrim futbolchilar shunday vaziyatlarda qanday yo'l tutishni biladilar.
- Boydullaevning qizil kartochkasiga berilgan apelaciyaning javobi qanday bo'ldi?
- Buni OFK bir oy davomida ko'rib chiqar ekan. SHuning uchun bugungi vaziyatda uning xizmatidan foydalana olmadik.
- Ko'rindiki, raqib himoyasida muammolar etarlicha bo'ldi. Nima uchundir, birinchi bo'limda yarim himoyachilar juda ham yaxshi vaziyatda turgan hujumchilarga to'g'ri pas bera olmadilar...
- "Al Ahli"ning himoyasining bo'shligini biz ham bilardik. Menimcha kuchli hayajon va bosim tufayli hujum hamda yarim himoya o'rtasida bog'liqlik bo'lmadi deb o'ylayman. Ikkinchi bo'limda esa bu muammoni echgandek bo'ldik.
- Rahmatullaevda sariq kartochka bo'lishiga qaramay, ikkinchi bo'lim o'rtalarida raqib futbolchisi bilan aytishdi, hakamning og'zaki ogohlantirishiga qaramay tinchishni istamadi. Bu jamoaga qimmatga tushishi mumkin edi?
- To'ppa - to'g'ri. Aynan shu vaziyat boshlanganida Arturni chaqirib Dilshodni xovuridan tushirishi lozimligini aytmoqchi bo'lgan edim, ammo muxlislarga to'la stadionda buni uddasidan chiqa olmadik. U bilan bu vaziyat haqida gaplashamiz. Sababi keyingi o'yinlarda bunday muammolar bo'lishi kerak emas.
Matbuot anjumaniga Ro'ziqul Berdiev bilan uchrashuvning eng yaxshi futbolchisi Bobur Abduxoliqov ham ishtirok etdi:
- Muxlislarimizni quvontirganimizdan xursandmiz. Bugun yaxshi o'yin bo'ldi va biz g'alaba qozondik. Birinchi bo'limdagi vaziyatlardan foydalana olmadik, ikkinchisida esa murabbiyimiz bergan ko'rsatmalarni to'liq bajara oldik deb o'ylayman.
Nodirxo'ja Yuldashev.
O’xshash yangiliklar
![AMP Logo](https://championat.asia/image/logo-amp.png)
Fikrlar