Ro'ziqul Berdiev: “Raqib haqli g'alabaga erishdi”

"Lokomotiv" jamoasi bizni haqli ravishda mag'lub etib ketdi. Men bugungi o'yinda himoyachilarimizning o'yinini umuman tushunmadim. Hozircha faqat "Lokomotiv" jamoasini g'alaba bilan tabriklashim mumkin. Ayni paytda Vadim Abramov jamoasi tarkib jihatidan ham, o'yin borasida ham ancha mukammal darajaga chiqishgan. CHempionatimizdagi eng kuchli klub bu so'zsiz "Lokomotiv" jamoasi.

-Bugungi mag'lubiyatdan so'ng "Nasaf" chempionlik poygasidan chiqib ketdi deb o'ylaysizmi?
- Agarda shunday harakat qilaversak, ha. Bugungi o'yin bilan uchinchi o'rindagi bahsni boy berib qo'yishimiz mumkin. "Lokomotiv"ga qarshi o'yin so'nggi ikki yildagi eng yomon uchrashuvimiz bo'ldi.

-Eldor Suyunovning jarohati qanchalik jiddiy?
-Darvozabonimiz kutilmaganda oyog'idan jarohat oldi. O'ylaymanki, Suyunov keyingi o'yinlarda bizga yordam bera oladi.

-Farruh Sayfiev almashtirib bo'lmaydigan futbolchilar sirasiga kiradimi?-Bizda almashtirib bo'lmaydigan futbolchining o'zi yo'q. Farruh Sayfiev so'nggi paytlarda ancha o'sishga erishdi. Lekin ko'pchilik uning to'p bilan harakati va vaziyatiga qarab baho beradi. Ammo uning to'psiz harakatlari va jamoa uchun ishlashi meni qanoatlantiradi. Tarkibimizda ko'plab futbolchilar yo'q. SHohruh Gadoev yaqindagina jarohatidan qutildi. Undan boshqa zaxiramizda qanotlarda o'ynay oladigan yarim himoyachilar yo'q.