Ro'ziqul Berdiev: Muhammadjon Rahimovning viza bilan muammosi bor

Bugungi o'yin raqibning rejasi bo'yicha ketdi. Jamoa sabr bilan yaxshi himoyalandi. Bunday gollarni urish juda qiyin. “Andijon” bitta imkoniyatdan foydalandi. Ular ko'p vaqt davomida himoyalanishdi, vaqt ko'zishdi va qarshi hujumda yaxshi harakat qilishdi. Biz doimgidek o'z imkoniyatlarimizdan foydalana olmadik. Umuman olganda, biz oxirgi vaqtlarda uy uchrashuvlarida qiyinchiliklarga uchramoqdamiz. Bu holat o'tgan yili ham sodir bo'lgandi, bu yil ham davom etmoqda. Biz buni sababini o'rganamiz.

Bugungi uchrashuvda jamoaga nima etishmadi?

- Mahorat. Oldinda harakat qilgan futbolchilarning mahorati etishmadi. Buni to'g'irlashga harakat qilamiz, bu bizning doimgi muammomiz bo'lgan. Keyin raqiblar Qarshiga kelganda ko'proq himoyalanmoqda va bu yanada qiyinchilik tug'dirmoqda. SHu sababli yarimta vaziyatdan ham gol urishimiz kerak.

Bugungi uchrashuvda tojikistonlik legionerni ko'rmadik...

- Bunga bir nechta sabablar bor. Kimdadir jarohat bor, kimdadir viza bilan muammo bor. Biz bu holatni kecha bildik. Albatta, keyingi o'yinlarga ular harakat qilishadi.

Birinchi va ikkinchi bo'limda ko'plab xatolar bo'ldi. Bugun “Nasaf” 90 minutga tayyor emasdek ko'rindi. Bugungi mag'lubiyatga “Nasaf”ning jismoniy holati ham sabab bo'ldimi?

- Endi jismoniy holatni siz aniqlab bera olmaysiz. Agar bizda jismoniy holatda muammo bo'lganida biz oxirgacha hujum qilmagan bo'lar edik. Keyin bugun birinchi uchrashuv bo'lgani uchun raqib ko'pchilik bilan himoyalandi. Bizda xatolar bo'ldi, buni pala-partishlik bo'ldi demagan bo'lardim. SHu sababli jamoamda shoshilish va asabiylik kuzatildi. Bu esa raqibga qo'l keldi.