Ro'ziqul Berdiev: "Maqsadimiz OCHL guruh bosqichiga chiqish"

"Sizlarni ko'rib turganimizdan xursandman. Mavsumning birinchi o'yini. Barchada bahsga qiziqish yuqori. Ertaga g'alaba qozonib muxlislarni xursand qilish. OCHLdagi asosiy maqsadimiz guruh bosqichiga chiqishni istaymiz. O'ylaymanki jamoa ertangi bahsga tayyor. Tarkibdagi barcha futbolchilar tayyor", - deydi Ro'ziqul Berdiev.

"Rasmiy o'yin baribir o'rtoqlik o'yinlaridan farq qiladi. G'alaba uchun maydonga tushamiz", - deydi SHerzod Azamov.

"Raqibimiz haqida faqat iliq fikrlarni bildiraman. Sababi ular Bahrayn chempioni, yaqinda yangi bosh murabbiyga ega bo'ldi. Ertaga biz uchun engil o'yin bo'lmaydi. Tarkibida deyarli yosh o'yinchilar yo'q. Barchasi mahoratli va tajribali futbolchilar", - deydi Ro'ziqul Berdiev.  

- Raqib murabbiyi sizlarni o'rganib chiqqanini aytdi. Ertaga "Al Hidd" qanday o'ynaydi deb o'ylaysiz*?
- Biz ham ularni o'rgandik. Ular asosan safar o'yinlarida ko'p ochko olishgan. Ertaga himoyada o'ynashadi deb o'ylamayman.



- Jamoa uchta frontda kurash olib boradi. Mavsum boshiga qadar yangi o'yinchilar qo'shilishi mumkinmi?
- Agar OCHL guruh bosqichiga chiqsak tarkibga yangilar qo'shilishi mumkin yoki oliy liga oldidan besh-olti nafar futbolchini qo'shib olishimiz mumkin. Turkiyadagi yig'inga bir qator yoshlarni jalb qildik. Ularga etibor qaratishimiz kerak.

- Ertangi bahsdan oldin jarohat olganlar yo'qmi?
- Eldorbek Suyunov Turkiyadagi yig'inda jarohat oldi. SHu bois ertaga maydonga tushmasa kerak. Tarkibmizda Sanjar Quvvatov va Umidjon Ergashev kabi kuchli posbonlar bor. Bu bizga katta muammo bo'ladi deb o'ylamayman.

- Akmal SHorahmedov borasida nima deya olasiz?
- SHuhrat Muhammadiev jamoani tark etgach uning o'rniga o'ng qanot himoyachisini oldik. Akmal SHorahmedovga hech qanday shubha bo'lishi mumkin emas. U tajribali futbolchi va professional. Menimcha SHuhrat va Akmal bir xil saviyadagi futbolchilar.

- Ertangi o'yindan oldin muxlislarga nima degan bo'lardingiz? Stadion silarga noqulaylik tug'dirmaydimi?
- Yo'q. Bu stadionda ko'p o'yinlar o'tkazganmiz. Qarshida bo'lmasa ham O'zbekistonda o'ynayapmiz. SHu bois o'z maydonimizda o'ynayapmiz deya olamiz. Qashqadaryolik muxlislarga biroz qiyinchilik tug'dirishi mumkin, Toshkentga kelish borasida. Biroq bizga hech qanday tasiri yo'q.

Narzulla Saydullaev