So’nggi yangiliklar

02:49Қозоғистон термаси матбуот котиби: "Ўзбекистонга кўчиб кетаман"  11 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  8 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   49 01:41Осиёда яна катта байрам: Иордания ўз тарихида илк бор ЖЧда иштирок этади  11 01:21ЖЧ-2026 саралаши. Бизнинг гуруҳдаги барча масала ҳал бўлди  15 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   39 00:46Аббосбек Файзуллаев: "Ҳиссиётларни тасвирлаб бера олмайман"  11 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  14 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  44 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41 22:4534 йиллик орзу ушалди! Ўзбекистон ЖЧда!  622

Ro'ziqul Berdiev: "Mag'lubiyatimizga bir necha sabablar bor. Pley-offga chiqish imkoniyatlarimiz keskin kamayib ketdi" Yangiliklar

Ro'ziqul Berdiev: "Mag'lubiyatimizga bir necha sabablar bor. Pley-offga chiqish imkoniyatlarimiz keskin kamayib ketdi"

OCHL 2 turniri to'rtinchi turidan o'rin olgan "Nasaf" – "Al Husayn" uchrashuvidan keyin mezbonlar bosh murabbiyi Ro'ziqul Berdiev matbuot anjumanida qatnashdi.

"Ko'p gapirmoqchi emasman. Mag'lubiyatimizga bir necha sabablar bor. Birinchi o'tkazib yuborgan golimiz barcha rejalarimizni buzib yubordi. Bunday o'yinlarda hujumda samaraliroq o'yin ko'rsatishimiz kerak. Nechadir o'yindan buyon hujumdagi o'yinchilarimiz yaxshi o'ynay olishmayapti. Asosiy sabab, birinchi goldagi xatomiz va hujumdagi sust o'yinimiz", - dedi Ro'ziqul Sadullaevich.

- Mehmon jamoa bosh murabbiyi "Nasaf" jamoasi markazni boy berib qo'yganidan foydalanib ketdik deb aytdi. Bugun jamoangiz maydon markazida namoyish etgan o'yiniga baho berib o'tsangiz? Ushbu fikrlarda qanchalik haqiqat?

- G'alaba qozongandan so'ng hamma narsa deyish mumkin. Mening fikrimcha, ular bugun o'rtada ustunlikka erisha olishmadi. Raqibimiz balki 5-3-2 taktik uslubida o'ynagani sababli shunday deyayotgandir. Tanaffusga qadar qanotlardan uyushtirilgan hujumlarimiz xavfliroq ko'rinish oldi. O'z ustunliklarimizdan to'g'ri foydalana olganimizda, natija bugun boshqacha bo'lishi mumkin edi.

- "Nasaf"ning chempionligi yigitlarga ruhiy tomonlama qanday tasir qildi?

- Sovrin yutilganidan so'ng yigitlarga qanday motivaciya berish qiyin ekanligini yaxshi bilamiz. Buni oddiy inson ham his qila oladi. Futbolchilarni ruhiy va jismoniy tomonlama imkon qadar yaxshiroq tayyorlashga harakat qildik, lekin bu o'z samarasini bermadi.

- Endi guruhdan chiqish imkoniyatlari haqida gapirib o'tsangiz?

- Bugungi to'qnashuvdan keyin, imkoniyatlarimiz keskin kamayib ketdi. Endi o'zimizni imkon qadar munosibroq ko'rsatishimiz kerak. Keyingi bosqichga chiqish, endi o'zimizga bog'liq emas. Pley-offga chiqish ancha qiyin bo'ldi.

- O'tkazib yuborilgan ikkita golda ham Golbanning aybi bor edi. Igorning zaxiraga olinishiga gollardagi xatolar sabab bo'ldimi?

- Himoyachi bunday xatolarga yo'l qo'ymaslik kerak. Biz bugun jamoa bo'lib yutqazdik. Aynan kimdirning xatosini takidlash o'tish, noto'g'ri deb o'ylayman. Futbolchilarning o'ziga ham alohida dakki berdim.

- "SHabab Al Ahli" safida 17ta legioner bor ekan. Ular moddiy va o'yin jihatidan kuchli jamoa ekanligini aytib o'tgandingiz. "Nasaf" BAA jamoasini mag'lub eta olgan edi. Sizningcha bugungi raqib Dubay jamoasidan kuchliroq edimi?

- Yo'q. Bizning guruhimizdagi eng kuchli jamoa "SHabab Al Ahli". Yakunda ham Dubay jamoasi buni isbotlay oladi. Iordaniya jamoasini ham kuchsiz deyish noto'g'ri. Safarda mag'lub bo'lganimiz, "Al Husseyn"ga qo'shimcha ishonch bergan bo'lishi mumkin. O'yin suratiga qaraydigan bo'lsak, bugun durang natijasi qayd etilishi kerak edi. Biroq raqib g'alabani ilib ketdi.

Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика