Ro'ziqul Berdiev: “Kablash bilan shartnomani bekor qildik”

-O'yin ancha asabiy kechdi. Bunga raqib bizni majbur qildi. O'yindan oldin  raqibning kuchi va imkoniyati haqida futbolchilarimizga aniq ko'rsatmalar bergandik. “Bunyodkor” va “Paxtakor” bilan bo'lgan o'yinlarda ular nimalarga qodir ekanliklarini ko'rsata olishgan edi. “Qizilqum” jiddiy raqib ekanligini bilardik. Biz g'alabaga erishdik. Ammo bu osonlikcha qo'lga kiritildi deb aytolmayman.

-O'tgan o'yinda ham, bugungi uchrashuvda ham jamoaning legioner futbolchisi Oleksandr Kablashning ismi sharifi qaydnomadan joy olmadi. Buning sababi nimada?
-Biz ikki tomon o'zaro kelishgan holda Kablash bilan shartnomani bekor qildik. Biz unga juda ko'p imkon berdik. Ammo u jamoaning o'yiniga moslasha olmadi. SHu sababa rahbariyat va futbolchi o'zaro kelishib, shartnoma bekor qilindi. Legioner futbolchini zaxirada ushlab turishdan mantiq yo'q. Bu uniyam, bizniyam qoniqtirmaydi. SHu sabab shunday qarorga keldik. Kablashning individual harakatlari yaxshi. Lekin bizda jamoaviy o'yin ko'proq shakllangan. SHu sabab balki uning jamoaga kirishib ketishi qiyin bo'lgandir.