Ro'ziqul Berdiev: "Ikkinchi davrada tarkibni kuchaytirishimiz kerak"

"Assalomu alaykum barchaga. Ajoyib muhitda o'tdi futbol, Namanganda har doim shunday bo'lgan. Bunaqa o'yinlar kamdan-kam kuzatiladi. O'yindagi rejamiz, himoyadagi rejamiz amalga oshdi. Yigitlarga aynan shuni uqtirgandik. Faqat vaziyatlarni golga aylantira olmadik. Golli vaziyatlarni inobatga olsak, mezbonlardan yaxshiroq vaziyatlarga ega bo'ldik. To'pni ham biz nazorat qildik. "Navbahor"ning yuqoridan oshirgan uzatmalari biz uchun ayni muddao bo'ldi. Biz yaxshi himoyalanishni rejalashtirgandik, buni uddaladik. Hujumda oqsadik. Bugun har ikki jamoa ochko yo'qotdi, deb hisoblayman. Hech bir jamoani bu hisob qoniqtirmadi, deb hisoblayman", - deb gap boshladi Berdiev. 

- "Nasaf"ning ko'p futbolchilarini tanib olish qiyin bo'ldi. Faqatgina raqamlaridan ajratib oldik, xolos. Tarkib haqida nima deya olasiz?
- Sog'lig'imni o'ylaganlarga minnatdorchilik bildiraman. Bazi bir o'yinchilarimiz o'tgan mavsum faqat o'rinbosarlar tarkibida o'ynagan. Etakchilarimiz jamoani tark etishdi, ularning o'rnini yoshlar jamoalarimiz va quyi ligalarda o'ynaydigan futbolchilar hisobiga to'ldirdik. Biz majburmiz shu yigitlarga etibor qaratishga. CHunki klubimiz siyosati, mablag' tomonidan imkoniyati ham shuni taqozo etadi. Mabodo, o'rinbosarlar tarkibimizdan asosiy jamoada o'ynaydigan futbolchilarni ko'rib qolsangiz ajablanmang. Formadagi raqamning rangini o'zgartirish bo'yicha taklifingizni albatta qabul qilamiz. Aslida jurnalistlar, mutaxassislar futbolchilarning harakatlaridan bilishi kerak

- Oybek Bozorovga maydonning boshqa tomonidan chiqib ketishi ko'p etirozli fikrlarga sabab bo'ldi...
- Oybek Bozorov o'rniga tushayotgan futbolchiga omad tilab chiqib ketsa, bu sherigiga ham madad bo'lardi. SHuning uchun uning maydonning bu tarafidan chiqishini so'ragandim. Lekin hakam vaqt cho'zilmasligi uchun uning maydonning boshqa tomonidan chiqib ketishini talab qildi.

- Bugun umumiy olganda jamoaingizning o'yinidan qoniqdingizmi?
- Jamoamiz raqibga qaraganda mazmunliroq o'ynadi. To'g'ri, "Navbahor" uzun paslar evaziga oldinga o'tdi. Lekin umumiy olganda, teng o'yin bo'ldi, biz pozicion hujum uyushtirish va xavfli vaziyatlar yaratishda faolroq bo'ldik.

- Jamoaning zaxirasi tor. Deylik Dilshod Saitovning qachon safga qaytishi mumkin?
- Dilshod Saitov umumiy guruhga qo'shildi. Uni asta-sekin safga qaytishini taminlaymiz. Ungacha ixtiyorimizdagi futbolchilar xizmatidan foydalanamiz. Bir xil tarkib bilan butun mavsumni o'tkazish og'ir. Ikkinchi davrada tarkibni kuchaytirishimiz kerak. Zaxiramiz torligi ham pand bermoqda. Barchani yaqinlashayotgan bayram bilan tabriklayman.