Ro'ziqul Berdiev: "Hozircha to'rt nafar futbolchini tarkibga qo'shib oldik"

- Davralar oralig'ida jamoamizda o'zgarishlar bo'lmoqda. Safimizni tark etganlar o'rniga yangi futbolchilarni taklif qilayapmiz. Hozirgacha to'rt nafar futbolchini o'z safimizga qo'shib oldik. Bular - Fozil Musaev, Igor Golban, SHahboz Erkinov va Ognen Krasich. Serbiyalik yana bir hujumchi Dragan Xeranning kelishini kutayapmiz. Bundan tashqari yana bir-ikki mahalliy futbolchiga ham qiziqqanmiz. Bizga ayniqcha qanot yarim himoyachilari kerak. Zafar Polvonovga turgan gap. Keyin SHerzod Karimov va Jasur Hasanovga ham taklif bilan chiqdik. Lekin bu qanchalik amalga osharkin, ochig'i bilmadim. Lekin qiziqqanligimiz rost, - deydi Ro'ziqul Berdiev "Futbol Ekspress" nashriga.