Ro'ziqul Berdiev: "Hozir faqat "Nasaf" haqida o'ylashim kerak"

O'yin haqida

- OFK kubogi doirasida markazlashgan o'yinlardagi muvaffaqiyatlarimiz bilan jamoamiz muxlislarini tabriklayman. FIFA kunlari sabab Superligada bir oz tanaffus yuzaga keldi. Tanaffus baribir o'z so'zini aytmasdan qolmaydi. Bugungi o'yinda "Andijon" jamosi turnir jadvalida pastda bo'lgani tufayli natija uchun o'ynashini bilardik. Ko'rib turganingizdek, raqib qarshi hujumga urg'u qaratgan xolda 5-4-1 sxemasini tanladi. SHu sabab biz ham oldingi chiziqda vaziyatlar yaratishga qiynaldik. Qizil kartochka oldimizdagi vazifani bir oz qiyinlashtirdi. Lekin yigitlar vaziyatga to'g'ri baho bergan xolda ikkinchi golni urib o'yin taqdirini hal qilishdi.

- Qizil kartochkali vaziyatda kimni ayblagan bo'lardingiz?

- Hujum tashkil etayotganimizda to'pni yo'qotdik. SHundan so'ng raqib xavfli hujum tashkil etdi. Himoyachilarimiz ham o'yindan tashqari xolatni yuzaga keltirishda xatoga yo'l qo'yishdi. Bu vaziyatda Umid Ergashevning qo'l bilan o'ynashini xato deb aytmagan bo'lardim, chunki to'p undan ham o'tsa gol bo'lishi mumkin edi.

- Jamoa 3 ta frontda kurashmoqda. Transferlar oynasi vaqtida tarkibni kuchaytirish rejada bormi?

- Albatta, biz buni judayam istayapmiz. Bir tarkib bilan 3 ta musobaqada muvaffaqiyat qozonish juda qiyin. Hozirda tarkibimizga yangi futbolchilarni qo'shib olish uchun izlanishdamiz. Qaysidir futbolchini oladigan bo'lsak, oldimizdagi vazifalarni echa oladigan darajasi bo'lishi kerak. Tajribali, kuchli legioner olishimiz kerak, shuningdek qanotda faollik namoyish etadigan futbolchi ham bizga hozir juda zarur.

- “Mashal"dan kelgan legioner futbolchi jamoada ko'rikdan o'tmoqda. Bu haqida nimalarni ayta olasiz?

- Bu futbolchining bizga maqul keladigan jihatlari bor, to'p bilan juda yaxshi harakat qilar ekan. SHu bilan bir navbatda kamchiliklari ham yo'q emas. U futbolchining transfer huquqi ayni damda "Mashal" jamoasiga tegishli. Klubimiz rahbariyati bu borada kelishuvga erishsa balki uni jamoamizda ko'rarmiz.

- Terma jamoaga turli murabbiylar nomzodi ko'rib chiqilmrqda. Sizga bu borada jiddiy taklif tushsa jamoadan ketarmidingiz?

- Hozir "Nasaf"daman, oldimizda jiddiy vazifalar turibdi. Hozir faqat zimmamdagi vazifalar haqida o'ylashim kerak, bu bugungi o'yindan chiqib ketib gapirish kerak bo'lgan savol.

- Husayin Norchaev oldingi chiziqda yolg'izlanib qolayotgandek...

- Biz har bir o'yinda maksimal darajada harakat qilayapmiz. Imkon qadar zaxiramizdan hujumchi chiqarishga harakat qilayapmiz. Lekin hozirgi kunda zaxira variantlarmiz ko'p emas.