Ro'ziqul Berdiev: "Hali oldimizdagi vazifa bajarilmadi"

- Rahmat tabrik uchun. Yutganimizdan xursandmiz Ammo hali oldimizdagi vazifa bajarilmadi. Guruhdan chiqish uchun harakat qilamiz. Birinchi taymda ular juda yaxshi o'ynashdi va yaxshi imkoniyatlar ega bo'lishdi. Ikkinchi bo'limda qarshi hujumda bizda imkoniyat bo'lishini bilardik va yaratilgan imkoniyatdan samarali foydalana oldik. Omad biz tomonda bo'ldi", - deb gap boshladi Berdiev. 

-“Nasaf” bugun xar doimgidek kuchli ko'rinmadi. Lekin yaratilgan 4 ta imkoniyatdan samarali foydalandi...

-Savolni tushundim. Yomon o'ynasak ham ochko olsak shu eng muhimi. Haqiqatan ham tashabbus va imkoniyat mezbonlarda bo'ldi. Lekin biz uch ochko oldik. OCHLda eng muhimi shu. Birinchi vazifamiz guruhdan chiqish. Albatta o'yinimizni yanada kuchaytirishga harakat qilamiz.

-Statistkaga qaraydigan bo'lsak, mezbonlar barcha tomonlama ustidan bo'lishdi. “Nasaf” g'alabaga haqli erishdimi?

-Biz g'alaba qozongan bo'lsakda, hali keyingi bosqichga chiqmadik. Bugungi o'yinda statistika mezbonlar foydasiga bo'lsada, eng muhimi biz natijaga erisha oldik.

-Mehmondo'stlik haqida nima deya olasiz? Bugungi ob-havo o'yinga qanchalik tasir qildi?

-Tabrizga ikkinchi marta kelishim. Odamlar ham mehribon, futbol bilan yashashadi. Yutqazsa qo'llab-quvvatlashadi. Bizniyam yaxshi kutib olishdi. Ob-havo kechagidan bugun ozroq yaxshiroq edi. To'g'ri bugun ham shamol esda qaysidir holatda bu ikki tomonga ham qiyinchilik tug'dirdi.


"Nasaf" matbuot xizmati