Ro'ziqul Berdiev: "Gadoev istasa boshqa jamoaga ketaversin"

"Bugun bizlar g'alaba uchun kurashdik. Futbolchilarimiz kurashishdi, intilishdi. Bu uchun ularga rahmat aytaman. O'yin bitta golga qadar davom etdi. Ular gol kiritgach uchrashuv taqdiri hal etildi.

Artur Gevorkyanning yomon o'ynagani sabab unda kichik jarohat bor edi. "Dinamo"ga qarshi bahsda jarohat olib maydonni tark etgandi. SHunga qaramay Gevorkyan bugun o'ynadi va jonbozlik ko'rsatdi. Gevorkyanga jasorati uchun ham tasanno deyish mumkin. Artur jamoamizning so'nggi mashg'ulotlarini o'tkazib yuborgandi. Faqatgina kecha o'yin oldidan jamoamiz bilan bir guruhda shug'ullangandi.

SHuningdek, asosiy darvozabonimiz Eldor Suyunov ham jarohati bois jamoamizga ko'maklasha olmadi. Bu narsa ham mag'lubiyatga o'z tasirini o'tkazdi. No'mon Hasanov bilan o'rtamizda hech qanday muammo yo'q.

Gadoev? Biz so'nggi o'yinlarda ko'p marotaba Gadoevni almashtirdik. Sababi uning o'yinidan qoniqmayapmiz. Agarda biror muxlis uning o'yinini maqtasa, demak u futbolni yaxshi tushunmas ekan. Balki uni bizga etirozi bordir, bilmadim. Agarda Gadoevni jamoamizda nimadir qoniqtirmayotgan bo'lsa, biz bemalol uning o'rniga boshqa futbolchi izlashimiz mumkin. SHohruh Gadoevning boshqa qarori bo'lsa biz unga qarshilik ko'rsatmaymiz", - dedi Ro'ziqul Berdiev.