Ro'ziqul Berdiev: "Ertaga natija uchun o'ynaymiz"

Ro'ziqul Berdiev: "Osiyoning eng nufuzli musobaqasida qatnashayotganimizdan xursandmiz. biz va muxlislarimiz buni juda istagan edik va maqsadimizga erishdik. "Traktorsoziy" jamoasi kuchli va jiddiy raqib sanaladi. Ertaga o'z muxlislarimizni xushnud etishga harakat qilamiz" To'g'ri, maydonning holati chiroyli futbolga imkon bermasligi mumkin. Ammo asosiy vazifa bu g'alaba qozonish O'tgan mavsumlardagi ishtirokimiz bizga katta dars bo'ldi va bundan kerakli saboqlarni chiqarib oldik".


Artur Gevorkyan: Biz mavsumga jiddiy hozirlik ko'rdik. Umid qilamanki, ertangi o'yinda ob-havo bizga yaxshi futbol ko'rsatimizga to'sqinlik qilmaydi. "Traktorsoziy" jamoasini imkon qadar yaxshi o'rganib chiqdik. Raqib ham kuchli jamoa va ularga qarshi katta etibor bilan o'ynash talab etiladi.

- OCHLda ham to'purarlikka harakat qilasizmi?
Artur Gevorkyan: - Xudo xohlasa bu ham amalga oshib qolar. Agar bu ishni uddalasam ham juda yaxshi bo'lardi. Biroq asosiysi jamoamizning g'alabasi. Kim gol kiritishini esa farqi yo'q.


- "Nasaf" ertaga o'z o'yinini namoyish etadimi yoki raqibga qarab boshqa reja tuziladimi?
- Raqib ancha jiddiy. "Nasaf" ertaga muxlislarga g'alabani taqdim etishga harakat qiladi. Asosiysi - bu g'alaba. Biz ertaga o'z o'yinimizni ko'rsatamiz deya olmayman. Natija uchun o'ynaymiz. Jamoaga qarab va maydonning holatini inobatga olib, o'yinga o'z rejamizni tuzamiz.

- Futbolchilarning jismoniy holati qay darajada?
- Mavsumga taraddud ko'rish jarayonida futbolchilarning jismoniy holati bo'yicha ancha ishladik va bu borada katta muammolarga duch kelamiz deb o'ylamayman. Hozirda futbolchilarning jismoniy holati 90-95 foizga tayyor deb ayta olaman.

SHahboz Beg'amov 

Qarshi shahridan