Ro'ziqul Berdiev: "Durang adolatli natija bo'ldi"

O'yin haqida

- Bugungi o'yin kurashlarga boy o'tdi. Oxirgi vaziyatlarni aytadigan bo'lsak, jamoamizdan omad yuz o'girdi. Ko'rdinglar to'p 2 marta darvoza ustuni va to'siniga tegib qaytdi. "So'g'diyona" kurashuvchan jamoa va tayyorgarligimiz shunga yarasha edi. Durang natija vaziyatni yanada murakkablashtirdi. So'ngi turgacha qaysi jamoa kumush va bronza medallarini qo'lga kiritishi noaniq bo'lib qolmoqda. Bu oxirgi yillarda uchramayotgan xolat. CHempionatimizni oxirini hisobga olsak, nazarimda qiziq o'tayapti. Durang adolatli natija bo'ldi, har ikki jamoa g'alaba uchun kurashdi.

- Bugun tarkibda qo'l urgan o'zgarishlaringizni qanday izoxlaysiz?

- Biz keyingi o'yinni ham hisobga oldik. 3 kundan so'ng AGMK jamoasi bilan O'zbekiston kubogi yarim finalida o'ynaymiz. SHu sabab ayrim futbolchilarga dam berishga qaror qildik. 

- CHempionat ishtirokchilari soni oshirilishi haqida mish-mishlar tarqalmoqda. Mutaxassis sifatida bu boradagi fikringiz qanday?

- Albatta, chempionat ishtirokchilari sonining oshirilishi bir jihatdan yaxshi, o'yinlar soni ko'payadi. Lekin avval biz bunga tayyor bo'lishimiz kerak. Superliga ishtirokchilari soni ortsa, Pro-liga va Birinchi ligaga bo'lgan qiziqish kamayib ketishi mumkin. Bu juda chuqur o'ylanib har taraflama xulosa chiqariladigan masala. Faqat Superligani o'ylasak, quyi ligalarga nisbatan etibor susayib ketishi mumkin.