Ro'ziqul Berdiev: “Durang adolatli bo'ldi”

- Bugun uchrashuv kurashlarga boy tarzda o'tdi. Har ikki jamoa ham to'p, maydon va g'alaba uchun kurashishdi. Aynan shu sababli o'yin sifat borasida mazmunsizroq chiqqan bo'lishi mumkin. O'ylashimcha, bahs durangga mos bo'ldi. Bu hol g'alabani hech bir jamoa tomonda bo'lishiga imkon bermadi. Durang haqli tarzda qayd etildi, deb aytgan bo'lardim. “Navbahor” va “Nasaf” kabi jamoalar hech qachon durang natijadan qoniqish hosil qilmaydi. Oldiga yuqori maqsadlarni qo'yadigan jamoalar hech qachon durang kuzatilganida, bundan qanoat hosil qilmaydi. SHunday ekan natijadan qoniqmadim. Bahsda ikki jamoa ham g'alabaga erishishi mumkin edi. Masalan, “Navbahor” jamoasining hujumlari chog'ida to'p darvoza ustuni va to'siniga tegib qaytdi. O'z navbatida jamoamiz qarshi hujumlarda yaxshi harakat qila olmadik. So'nggi uchrashuvlarda ko'plab vaziyatlarga ega bo'lsakda, imkoniyatlardan samarali foydalana olmayapmiz. G'alaba qozonish uchun esa vaziyatlarni golga aylantirish talab etiladi. Gol ura olmayotganligimiz bizning kamchiligimiz sanaladi. Himoyada bexato to'p surayotgan bo'lsakda, hujumda sovuqqonlik bilan harakat qilishimiz lozim. CHeran malum vaqt davomida jarohatini davolashga majbur bo'ldi. Ayni paytda unda o'yin amaliyoti kamroq. Bugun uni “Navbahor” muxlislarining bosimiga dosh bera olishi uchun maydonga tushirgandik. Ikkinchidan namanganliklar standart vaziyatlar juda xavfli raqib sanaladi. SHuning uchun ikkinchi qavatda yaxshiroq o'ynash maqsadida Draganni tarkibga kiritgandik. 

Sanjar Quvvatov: - O'yin juda qiyin bo'ldi. Bugun g'alaba qozonishimiz yoki mag'lubiyatga uchrashimiz ham mumkin edi. Bosh murabbiy aytganlaridek, o'yin sifat borasida u qadar yaxshi o'tmadi. Maydonda har ikki jamoa keskin kurashga kirishdi. Muxlislar ham jamoalarni yaxshi qo'llab-quvvatlashdi. Fursatdan foydalanib, Qarshidan kelib bizga dalba bo'lgan ishqibozlarimizga rahmat aytaman.

"Navbahor" matbuot xizmati.