Ro'ziqul Berdiev: “Bugungi o'yinda yaxshi himoyalandik”

-Avvalo muxlislarimizni bugungi g'alaba bilan tabriklayman. Bugungi o'yinga tuzgan rejamiz amalga oshdi. Rejamiz shundan iborat ediki, bugun biz himoyada xato qilmasdan, qarshi hujumlar orqali raqibni jazolash edi. Nimagaki, “Lokomotiv”dek jamoa bilan ochiq futbol o'ynash, ko'ngilsiz natijaga olib keladi. CHunki, jamoada tajribali o'yinchilar ko'pchilikni tashkil etadi. Rejamizni uddaladik. Bugungi o'yinda yaxshi himoyalandik. Stadionga tashrif buyurgan muxlislarimizni xursand eta oldik. Bu biz uchun juda yoqimli.

Bugun Kenjaboev muxlislarda yaxshi taasurot qoldirdi, u astoydil harakat qildi. Ushbu o'yinchimizning individual harakatlari ham yaxshi shakllanayapti. Unga ishonch bildirishda davom etamiz. Bunday iqtidorli yoshlar bizda ko'p. O'zini ko'rsatgan yoshlarimizga shunday ishonch bildirishda davom etaveramiz.