Rouz: "Mourinyu menga boshqa himoyachilar kabi imkon bermadi"

Eslatib o'tamiz, Rouzning transfer huquqi "Tottenxem"ga tegishli.

"Menda qolgan himoyachilarda bo'lgani kabi imkon bo'lmaganini his qildim. Aslida men u uchun o'ynashni istagandim. Mourinyu tayinlanganidan bir oy o'tib o'ynamasligimni bildim. Maydonga tushmasligimni bilganimda mashg'ulot o'tkazish qiyin bo'ldi", - deya Rouzning so'zlarini keltirdi "BBC".

Rouz mavsum oxiriga qadar "Nyukasl"da ijara bo'yicha to'p tepadi. Denni 2007 yilning yozidan beri "Tottenxem" o'yinchisi hisoblanadi. Uning "shporlar" bilan shartnomasi 2021 yilning 30 iyuniga qadar mo'ljallangan.

Rouz joriy mavsum "Tottenxem" uchun APLda 12ta va ECHLda 4ta o'yin o'tkazgan hamda o'z hisobiga ikkita golli pas yozib qo'ygan. "Nyukasl" safida esa birinchi o'yinini o'tkazishga ulgurdi.