Rossiya terma jamoasi futbolchisini o'g'irlab ketmoqchi bo'lishdi

Tergov malumotlariga ko'ra, mashhur futbolchini zo'ravonlik bilan o'g'irlashga urinishgan. Ular o'z nazorati ostida bo'lmagan holatlar tufayli rejalarini amalga oshira olmagan.

Manbaning xabar berishicha, bosqinchilar "Zenit" yarim himoyachisi Andrey Mostovoyni mashinaga sudrab kirishga uringanlarida futbolchining do'sti voqeaga aralashgan va o'g'rilar qochib ketgan.

Futbolchini o'g'irlashga urinish muvaffaqiyatsiz tugaganidan ikki kun o'tgach, o'sha odamlar Krestovskiy orolidagi do'kon yaqinida yana bir odamni, biznesmenni o'g'irlab ketishgan. Ular uni 210 000 rubl o'tkazishga majburlagan, shuningdek, 10 million rubl talab qilgan.

O'g'irlangan odamni ozod qilish paytida 4 kishi hibsga olingan. Rossiya Tergov qo'mitasi matbuot xizmatining xabar berishicha, odam o'g'irlash, odam o'g'irlashga urinish va talonchilik moddalari bo'yicha jinoiy ish qo'zg'atilgan.