Ronalduga maxsus futbolka topshirildi
04 noy 2018 09:27
Yangiliklar

Ronalduga maxsus futbolka topshirildi

“Yuventus” prezidenti Andrea Anelli “Kalyari”ga qarshi bahs oldidan jamoa hujumchisi Krishtianu Ronalduga 400 raqami tushirilgan maxsus futbolkani taqdim etdi.

Bu bilan Turin klubi portugaliyalik futbolchini oktyabr oyida qo'lga kiritgan yutug'i bilan tabrikladi. Ronaldu futbol tarixida Evropaning top-5 chempionatlarida 400 ta gol kiritgan ilk futbolchiga aylandi. A seriya 9-turida “Jenoa”ga qarshi bahsda u aynan 400-golini darvozaga yo'lladi.

Ayni paytda Ronaldu hisobida top-5 chempionatlarda kiritilgan 402 ta gol mavjud. U “Yuve” tarkibida 7 ta, “Real” tarkibida La Ligada 311, MYU safida APLda 84 ta gol urishga erishgan.

Portugaliyalik futbolchidan keyingi o'rinda “Barselona” hujumchisi Lionel Messi bormoqda. Uning hisobida 390 ta gol mavjud. Keyingi o'rinlarda Jimmi Grivz (366), Gerd Myuller (365), Stiv Blumer (317), Diksi Din (310) joy olishgan.

Havola :

Manba : championat.com

Yangiliklarni Telegramda o'qing!

Reyting: +25