"Roma" o'z futbolchisiga ultimatum qo'ydi – yoki u ketadi yoki shartnomasi oxirigacha maydonga tushmaydi

Yarim himoyachi qishda "Roma"dan ketmoqchiligini malum qilgandi. U "Milan"ga o'tishni xohlagandi, ammo "Roma" bilan transfer borasida "Bornmut" kelishuvga erishdi. "Milan" Angliya klubi bilan teng taklifini bera olmadi va kurashdan chiqdi.

Rim klubi Dzanolo borasida faqat "Bornmut"dan rasmiy taklif oldi.

Corriere dello Sport malumotiga ko'ra, Nikolo endi "Roma"da qolishni istamoqda, ammo u va klub o'rtasidagi munosabat yomonlashib bo'ldi.

"Roma" xo'jayinlari Den va Rayan Fridkinlar Dzanoloning "Bornmut"ga o'tishi bo'yicha muzokaralarda shaxsan ishtirok etishdi va futbolchi borasida jiddiy qaror qabul qilishdi.

Dzanologa ultimatum qo'yishdi: U yoki "Bornmut"ga ko'chib o'tishga rozi bo'lishi kerak yoki yozgacha "Roma"da qolishi va umuman maydonga tushmasligi kerak. Fridkinlar Dzanolo klubda qolsa shartnoma muddati tugaguniga qadar faqat tribunada o'tirishini malum qilishdi. Futbolchining shartnomasi 2024 yil yoziga qadar amal qiladi.

Oldinroq "Bornmut" xavbek uchun 30+5 mln evro va keyingi sotuvdan 10% pulni taklif qilgandi.