"Roma" Bartra transferi bo'yicha muzokara o'tkazmoqda

Bu xabarni jurnalist Janluka Di Marcio shaxsiy saytida elon qilgan. Manbaga ko'ra, futbolchining agenti Rimga uchib ketgan va "Roma"ning sport direktori Janluka Petraki bilan muzokara o'tkazgan. Hozirda transfer masalasi ijobiy tomonga hal bo'lmoqda va yakuniga etgani yo'q. 28 yoshli ispaniyalik himoyachi "Barselona" tarbiyalanuvchisi hisoblanadi. U "Betis"ga 2018 yil yanvar oyida Dortmundning "Borussiya" klubidan kelib qo'shilgan. Transfer miqdori 10,5 million evroni tashkil qilgan edi.

Bartra o'tgan mavsum LaLiganing 33 o'yinida asosiy tarkibda maydonga tushdi va 1 ta gol urdi. Uni hakamlar 4 marta sariq kartochka bilan "siylashdi". 

Markning "Betis" bilan amaldagi shartnomasi 2023 yilning yozida yakuniga etadi.