Rojers: “Lester” g'alabaga loyiq edi”

“Ajoyib tuyg'ularni boshdan kechirayapmiz! “Lester”ga kelishimdan oldin jamoa hech qachon bu turnirda g'olib chiqmaganini bilmasdim. Ular to'rt marta finalga chiqib, barchasida imkoniyatni boy berishgan ekan. SHu sabab jamoa muxlislari va klub rahbariyatiga bu sovrinni taqdim etishning ahamiyati  hech narsa bilan o'lchab bo'lmasdi.

G'oliblik bilan faxrlanaman. SHahar ahli uchun ajoyib kun. Tilemansning g'alaba goli, SHmeyxelning “seyv”i esda qolarli bo'ldi.

Umuman olganda finalda biz yaxshiroq harakat qildik. Raqibga bosim uyushtirdik, yaxshi pressing qilishni epladik. To'p bilan muomala qilganimizda, raqibga doim xavf tug'dirishga urindik. “CHelsi” ajoyib jamoa, shu sabab ular ECHL finalida o'ynashadi, biroq bugun biz kubokka loyiq edik”, dedi Rojers.