Roberto Martines: “Er yuzidagi eng baxtli odamman”

“Biz raqibdan taktik jihatdan ustunroq bo'lishga intildik. Ammo Braziliyaga qarshi to'p teparkansan, hech bir jihatdan oson bo'lmaydi. Axir ular besh marta Jahon chempionatini yutishgan. Ularga nisbatan mardlarcha harakat qilish lozim. Futbolchilarimiz biroz tavakkal qilishdi. Biz Neymar, Koutino va Marseloga o'yin bermasligimiz lozim edi. Yigitlarimiz o'z poziciyalarida belgilangan vazifalarini bajarishdi.

Bugun men er yuzidagi eng baxtli insonman. Bu taktik o'yin emas, balki chin dildan, ishonch bilan o'ynalgan o'yin bo'ldi. Belgiyada barcha bugun futbolchilar bilan faxrlanadi va g'alabani xursandchilik bilan nishonlaydi”, deydi Martines.