Rivaldo: “Xaviga “Barselona”da oson bo'lmaydi, ammo...”

“Kelajakda Xavining “Barselona”ga bosh murabbiy etib tayinlanishiga shubham yo'q. U nafaqat yaxshi inson, balki ajoyib xislatlarga ega murabbiy hamdir. Malum vaqt o'tib u “Barsa”ga murabbiylik qilishi lozimligini tushunib etadi va shogirdlari bilan o'zi to'p tepgan oltin avlod qayd etgan natijalarni takrorlashga urinadi. 

Bunday bosim ostida ishlash unga oson bo'lmaydi. CHunki undan ham Gvardiola singari yuksak natijalarni talab qilishadi. Xavi o'zi maydonda haqiqiy maestro edi. Uning qo'li ostidagi jamoa ham u to'p tepgan uslubda harakatlanishi aniq. 

Albatta, har qanday yuksak natijani qayta takrorlash oson ish emas. Unga o'zi tuzadigan taktik sxemaga mos keladigan futbolchilar kerak bo'ladi.

“Barselona”ga ustozlik qilishni hamma istaydi. Yuqori ambiciyalik jamoani boshqarish har qanday insonga masuliyat yuklaydi.

“Barselona”ga Xavi murabbiylik qilayotgan vaqtda ko'p narsa uning qo'li ostidagi futbolchilarning mahoratiga bog'liq. Unga kamida ikki-uch nafar kerakli futbolchini jamoaga jalb etib, tarkibni kuchaytirishi  va jamoani Gvardiola jamoasidek darajaga olib chiqishi uchun vaqt berish lozim bo'ladi.