Reuters: Keyrush hali bir qarorga kelgani yo'q
04 iyu 2018 23:27
Yangiliklar
![](https://championat.asia/upload/storage/441564_original.jpg)
![](/upload/storage/441564_220.jpg)
Reuters: Keyrush hali bir qarorga kelgani yo'q
Jahonga mashhur Reuters axborot agentligining yozishicha, portugaliyalik murabbiy bu borada hali yakuniy qarorga kelmagan. Eron futbol federaciyasi prezidenti Mehdi Taj o'tgan hafta matbuot vakillari bilan suhbatda Keyrush jamoada qolishini aytib o'tgandi.
Biroq bevosita murabbiyga yaqin manbaning aytishicha, portugaliyalik mutaxassis hali yakuniy qarorga kelmagan. "Eron jahon chempionatidagi ishtirokini yakunlaganidan so'ng Keyrushga yangi taklif bo'ldi. Federaciya murabbiyni Osiyo Kubogi musobaqasida ham o'zida olib qolmoqchi. Lekin Keyrush hali bir qarorga kelgani yo'q. Murabbiyning amaldagi shartnomasi iyul oxirida tugaydi. SHundan so'ng u keyingi taqdiriga oydinlik kiritadi", - deydi murabbiyga yaqin manba.
Avvalroq Eron FF rahbari Mehdi Taj shunday degandi: "Keyrush Osiyo Kubogi-2019 musobaqasiga qadar terma jamoada qoladi. Jahon chempionatidagi o'yinimiz shuni ko'rsatdiki, biz to'g'ri yo'ldan ketyapmiz. Yo'qsa futbolchilar mamlakatga qaytganida 7 ming ishqiboz aeroportga chiqmasdi. Xavotirga o'rin yo'q, Keyrush biz bilan qoladi. Uning yangi shartnomasini yaqin kunlarda ko'rib chiqamiz. Mana ko'rasizlar, Osiyo Kubogiga hammamiz birgalikda boramiz".
O’xshash yangiliklar
![AMP Logo](https://championat.asia/image/logo-amp.png)
Fikrlar