Remi Gard - "Aston Villa" bosh murabbiyi

49 yoshli francuz Birmingem klubi bilan 2019 yil yoziga qadar shartnoma tuzdi. U Premer-Ligada 10ta o'yinda 4 ochko to'plab so'nggi o'rinda turgan klubni qabul qilib oldi.

Remi "Lion" klubida 3 yil davomida murabbiy bo'lib ishlaganida ko'pchilikka tanilgan. Futbolchi sifatida Remi "Arsenal"da ham faoliyat olib borgan.

"Bunday mashhur klubning murabbiyiga aylanganimdan xursandaman. Klub xo'jayini Rendi Lerner va direktor Tom Foks bilan uchrashuvlar ajoyib bo'ldi. Ular katta rejalarini men bilan birga amalga oshirishni istashganidan mamnunman".

"Tushunarliki bizni og'ir mehnat kutib turibdi, "Aston Villa" muxlislarini xursand qilishga urinamiz, - deydi Gard.

Gardning "Aston Villa"dagi debyuti keyingi dam olish kuni Premer-Liga peshqadami "Manchester Siti"ga qarshi bahsda bo'ladi.