"Real" qoidani buzdi, jamoaga texnik mag'lubiyat yozilishi mumkin, agarda...

Gap shundaki, LaLiganing 35-turi doirasida "Xetafe"ga qarshi o'yin vaqtida bosh hakam Xuan Martines Munuera "Real"ga almashtirishni bekor qilib, jarohatlangan Eduardo Kamavingani maydondan olinishiga yordam berdi. Bu esa FIFA qoidalariga zid.

Bahsning 84-daqiqasida "Real" bosh murabbiyi Karlo Anchelotti maydonga himoyachi Alvaro Odriosolani maydonga tushirmoqchi bo'ldi. U uchrashuvdagi gol muallifi Marko Asensioning o'rnini egallashi kerak edi. O'shanda Asensio maydonni tark etgan zahoti Eduardo Kamavinga zaxiraga olinishini so'radi. Yakunda Asensio maydonda qoldi va Odriosola aynan Kamavinganing o'rnini egalladi.

Gap shundaki, FIFA qoidasiga ko'ra, almashtirilayotgan futbolchining maydondan chiqishi va maydonga tushayotgan futbolchining chiziqdan o'tib, maydonga tushganidan keyin almashtirilish jarayoni yakunlangan hisoblanadi va buni bekor qilib bo'lmaydi.

O'z navbatida Odriosola chiziq xatlab, maydonga tushib bo'lgan va Asensio chiziq xatlab maydondan chiqqandi. O'z navbatida bosh hakam ham bu pallada xato qildi va "Real"ga zaxiraning bekor qilinishida to'siq qo'ymadi.

Agarda "Xetafe" bu holat uchun LaLigaga arz bilan chiqsa, "Real"ga texnik mag'lubiyat yozilishi mumkin. Biroq "Xetafe" shikoyat kiritishni maqul topmadi.