"Real Madrid" "Oltin to'p" sohibini sotib olmoqchi

28 yoshli ispaniyalikning Angliya klubi bilan shartnomasi 2027 yilning yoziga qadar mo'ljallangan. Takidlanishicha, futbolchi "Siti" bilan shartnomani uzaytirish yoki "Qirollik klubi"ga o'tish o'rtasida tanlov qilishi lozim.

Manbaga ko'ra, futbolchining agenti Pablo Barkero Rodri bilan shartnoma imzolash taklifini olgan. Madridda tug'ilgan ispaniyalik yarim himoyachi o'z shahriga qaytib, dunyoning eng kuchli klublaridan biriga qo'shilish g'oyasini maqullashi mumkin.

Avvalroq "Real" "Oltin to'p"ni topshirish marosimiga bosh tortgani, mukofot Vinicius Juniorga emas, balki Rodriga topshirilishini bilib qolgani haqida xabar berilgandi.

Yarim himoyachi 2019 yildan beri "Siti"da o'ynamoqda. Transfermarkt Rodrigoning bozor qiymatini 130 million evroga baholamoqda.