LaLiga. "Real" "Granada"ni mag'lub etdi
03 dek 2023 01:00
Yangiliklar

LaLiga. "Real" "Granada"ni mag'lub etdi

Teglar : Real Madrid La Liga Granada

"Real Madrid" hamda "Granada" o'rtasida LaLiganing 15-tur o'yini yakuniga etdi.

Real Madrid

Brahim Diaz - 26', Rodrygo - 57'

LaLiga . 15-tur

02/12/2023, 22:30

Tugadi

Granada

Stadion: Estadio Santiago Bernabeu, 70685 tomoshabin

Bosh hakam: Pablo Gonzalez

45'

90'

Match-senterda ochish

Real Madrid – Granada 2:0

"Santyago Bernabeu"

Gollar: 1:0 – 26 Braim Dias, 2:0 – 57 Rodrigo.

Real Madrid – Lunin, Karvaxal, Alaba, Ryudiger, Mendi, Vaskes, Braim Dias (Pas, 88), Sebalos, Bellingem, Kroos, Valverde, Rodrigo (Gonsalo, 85), Xoselu.

Granada – Fernandes, Andre Ferreyra, Manafa, Rikard Sanches, Mikel, Torrente, Neva, Petrovich, Saragosa (Alvaro Fernandes, 83), Gumbau, Ruis, Veysman, Uzuni, Boye (Puertas, 83).

Ogohlantirishlar: Bellingem (22), Ryudiger (22), Gumbau (77).

LALIGA JADVALI

90+3-daqiqa. Bo'ldi, hakamning final hushtagi yangradi va 3 ochkoni qo'lga kiritgan "Real" to'plar nisbatiga ko'ra birinchi pog'onaga qaytdi.

90+2-daqiqa. "Real"ning o'ng qanotdan amalga oshirgan hujumi oxiriga etmay qoldi.

90-daqiqa. O'yinning asosiy vaqtiga 3 daqiqa qo'shib berildi.

89-daqiqa. Bosh hakam Gonsalo Fuertes maydonga quladi... Hakam birdan yo'nalishini o'zgartirmoqchi edi, buning oqibatida muvozanatni yo'qotdi.

88-daqiqa. O'zgarish! Ajoyib o'yin ko'rsatgan Braim Dias o'rniga Niko Pas maydonga tushirildi.

86-daqiqa. "Real" futbolchilari ijrosidagi navbatdagi burchak zarbasi omadsiz yakunlandi.

85-daqiqa. O'zgarish! Rodrigo o'rnini yosh, iqtidorli Gonsalo Garsiyaga bo'shatib bermoqda. Garsiya asosiy jamoa tarkibida ikkichni bor maydonga tushayotganini takidlash lozim.

83-daqiqa. O'zgarishlar! "Granada" safidagi eng faol futbolchilar Brayan Saragosa va Lukas Boye uchun bahs yakunlandi. Ularning o'rniga Alvaro Fernandes va Antonio Puertas bahsga qo'shildi.

77-daqiqa. Ogohlantirish! Lukas Vaskesni qo'pollik bilan to'xtatgani uchun Jerar Gumbaoga sariq ko'rsatildi.

75-daqiqa. Toni Kroosning burchakdan uzatgan to'pini "Granada" futbolchilari qaytarishga muvaffaq bo'lishdi.

74-daqiqa. Jud Bellingemdan ajoyib uzatma va Valverde jarima maydonchasi markazida paydo bo'ldi... Biroq uning zarbasini kiper qaytarishni uddaladi.

72-daqiqa. Migel maydon markaziga yaqin hududda Jud Bellingemga nisbatan fol ishlatdi.

70-daqiqa. O'zgarish! Xoselu o'rniga Dani Sebalos maydonga tushirildi.

65-daqiqa. O'zgarish! Uilson Manafa o'rniga Negosh Petrovich maydonga tushirildi.

"Granada" to'pni yon chiziqdan o'yinga kiritdi.

64-daqiqa. O'zgarish! Mirto Uzuni va SHon Vaysman o'yinga qo'shildi.

62-daqiqa. Kroosning burchakdan uzatgan to'piga sheriklari eta olishmadi.

57-daqiqa. GOOOOOL! Rodrigo oradagi farqni ikkitaga oshirdi.

51-daqiqa. Yana Jud Bellingem maydonga quladi. Hakam bu safar ham hech nima bo'lmadi deb hisobladi. Karlo Anchelotti hakamning bu qaroriga qo'lini siltab qo'ydi.

O'zgarish! Tanaffusdan qaytmagan Dani Karvaxal o'rniga Lukas Vaskes maydonga tushdi.

46-daqiqa. Ikkinchi bo'lim boshlandi!

45+5-daqiqa. Xoseluning zarbasidan keyin to'p himoyachiga tegib maydonni tark etdi. "Real"ning barcha futbolchisi burchak zarbasiga shaylangan bir pallada bosh hakam bo'lim yakunlanganini bildiruvchi hushtagini chaldi. Futbolchilar, minglab muxlislar bilan birga Karlo Anchelotti ham bundan ochiqchasiga norozi bo'ldi. Qiziq tomoni, hisobda oldinda tanaffusga yo'l olgan bo'lsada, "Real" birinchi bo'limda bosh hakam Pablo Gonsales Fuertesning ishidan ko'ngli to'lmagani aniq.

45+4-daqiqa. Brayan Saragosa chap qanotdan oldinga o'tib bordi, biroq Karvaxal va Kroos birgalikda uni to'psiz qoldirishdi.

45-daqiqa. Bo'limning asosiy vaqtiga 5 daqiqa qo'shib berildi.

Biroq hakam quloqchinlari orqali "VAR" xonasidagilar hamkasblarining yordami bilan barchasi joyida ekanligiga ishonch hosil qildi va o'yinni davom ettirish zarurligini takidladi.

45-daqiqa. Jud Bellingem jarima maydonchasi ichida yiqilib tushdi. Madridliklar hakam penalti belgilashi kerak edi deb hisoblamoqda.

42-daqiqa. Mendi-Dias-Bellingem kombinaciyasidan keyin Jud qulay nuqtaga chiqib bordi va zarba yo'lladi, biroz noaniq.

38-daqiqa. Mezbonlar jarima zarbasini amalga oshiradi. Kroosning uzatmasi bu safar ko'ngildagidek chiqmadi.

35-daqiqa. "Real" to'pni yana nazoratida ushlab turibdi.

32-daqiqa. To'pga egalik qilish bo'yicha ko'rsatkich 71% - 29% "Real" foydasiga.

30-daqiqa. Xoseluda o'yindan tashqari holat qayd etildi.

26-daqiqa. GOOOOOOOOL! To'pni Kroosga oshirib, qayta qabul qilgan Braim Dias darvozabonni ham dog'da qoldirib, mezbonlarni oldinga olib chiqdi.

22-daqiqa. Ogohlantirishlar! Jud Bellingem hakamning qaroridan noroziligi ochiqchasiga namoyish qilgani uchun sariq olgandi. Jamoadoshining firkini faol qo'llab-quvvatlagan va gapirishda davom etgani uchun Ryudigerga ham kartochka ko'rsatildi.

15-daqiqa. O'ng qanotdan rivojlangan hujum yakunida Fede Valverde to'pni jarima maydonchasiga yo'lladi, ammo Xoselu ham, Rodrigo ham to'pga eta olishmadi. Aks holda hisob ochilishi hech gap emasdi.

11-daqiqa. O'zgarish! Majburish alishtirish. Darvozabon Raul Fernandes o'rniga Andre Ferreyra o'yinga qo'shildi.

Hamma zaxira darvozaboni tayyor bo'lishini kutmoqda.

O'yinda to'xtalish yuzaga keldi.

Uzatmalarda ishtirok etgan mehmonlar darvozaboni Raul Fernandes jarohat olgan ko'rinadi.

6-daqiqa. "Granada" to'pni nazorat qilmoqda.

3-daqiqa. O'yindagi birinchi burchak zarbasini "Real" amalga oshiradigan bo'ldi. Kroos to'pni o'yinga kiritdi, lekin ish zarbagacha etib bormadi.

1-daqiqa. Granada markazdan o'yinni boshlab berdi.

Real Madrid

Brahim Diaz - 26', Rodrygo - 57'

LaLiga . 15-tur

02/12/2023, 22:30

Tugadi