"Real" Benzemaga 33 yoshli o'rinbosar topdi

Madrid klubi "Espanol" forvardi Xoselu transferini o'rganib chiqmoqda. "Qaymoqranglilar" futbolchi transferi bo'yicha rasmiy taklif bildirganicha yo'q, lekin klubdagilar u Karim Benzemaga munosib o'rinbosar bo'lishiga ishonmoqda.

Bu mavsum Xoselu "Espanol" safida 35 o'yinda 16 ta gol urdi va 4 ta golli uzatma etkazib berdi. Futbolchi 2010 - 2012 yillarda "Real" sharafini himoya qilgan, ammo asosiy tarkibdan joy egallay ololmagach, klubni tark etgandi. O'shanda Xoselu 2 ta o'yinda maydonga tushgan va 2 ta gol urgandi.