R.Berdiev: “Olmaliq”dan kuchliroq o'yin kutgandik”

-Bugun ishonchli g'alabaga erishdik. Maydonda raqibdan har jihatdan ustunlik qildik. Bugun “Olmaliq”dan ancha kuchli o'yin kutgandik. Lekin amalda ular o'z kuchlarini namoyish eta olishmadi. Buning uchun yigitlarga rahmat. Tarkibda o'zgarishlar? Bu borada ishlayapmiz. Yashirishni hojati yo'q. Birinchi davrada “Lokomotiv”da to'p tepgan Damir Koyashevichga taklif bilan chiqqandik. Lekin u qo'ygan talablarni biz bajara olmaymiz. Legionerni tarkibga jalb qilish uchun katta mablag' kerak bo'ladi. Azamat Allaniyazov bugun o'ziga bildirilgan ishonchni oqladi. O'yinda birinchi golni urdi. Futbolni sog'inib qolgani ko'rinib turibdi. Lekin jismoniy jihatdan hali o'z formasiga kirib olgani yo'q. Imkoniyat berishda davom etamiz. O'ylaymanki, u hali mavsum davomida o'zini ko'rsata oladi. Kenja To'raev kecha tibbiy ko'rikdan muvaffaqiyatli o'tdi. Bugun u o'yin qaydnomasidan o'rin olgandi. Lekin hali u o'yinga to'liq tayyor emas. Hujumchilarimiz o'z formasini tiklab olishsa, muxlislarga ko'plab gollarni taqdim etishadi.