Ravshan Haydarov: "Bugungi mag'lubiyat yigitlarni yanayam masuliyatliroq bo'lishga undaydi"

“Afsuski chempionatni kutilganidek boshlay olmadik. Uni g'alaba bilan boshlamoqchi edik. O'yin boshida yo'l qo'ygan xatolarimiz bizga qimmatga tushdi. Ayniqsa, darvozabon va himoyachilar xatosi juda qo'pol bo'ldi. O'yin boshida bizda yaxshi imkon bo'ldi, ammo biz foydalana olmadik, ular esa foydalanishdi”, deydi Ravshan Haydarov.

“Birinchi o'yin doimo muhim bo'ladi, chunki birinchi o'yinda qo'lga kiritiladigan ochko juda muhim. Bugun xatolarimiz tufayli buni uddalay olmadik. Ular ustida ishlaymiz. Germaniyaga qarshi o'yin muhim va bu o'yin hali o'z muhimligini yo'qotmadi. Ularga qarshi o'yin uchun boshqacha tayyorlanamiz”.

“Biroz rejalarimiz o'zgardi. Germaniyaga qarshi boshqacha tayerlanamiz. Bugungi mag'lubiyat yigitlarni yanayam masuliyatliroq bo'lishga undaydi, deb umid qilaman”.

“Oldimizda yana ikkita o'yin bor va ularda ochko olishga harakat qilamiz. Har bir uyinning ahamiyati boshqa. Imkoniyat bor. Ulardan foydalanamiz. Germaniyaga qarshi uyin haqida o'ylash uchun, avvalo bugungi o'yinni unutishimiz kerak. Xatolarni tahlil kilib, ular ustida ishlab, keyingi o'yinga boshqacha kayfiyatda tushamiz”, deb so'zini yakunladi O'zbekiston yoshlar terma jamoasi bosh murabbiyi Ravshan Haydarov.